- 581 -

1427. Okt. 22. Liegnitz.

Bestätigung von Zinsverschreibungen an Nitsche Hezeler und Abtretung derselben an Jorg Hezeler durch Richter und Schoppen von Liegnitz.

Ich Gregor Tesschener richter czu Legnicz von der stat wegin vnd wir schepphin doselbist Niclas Elle, Hannus Girdan, Jorge Cromschreiber, Pawil von der Heide, Andres Hokschar, Jorge Hezeler vnd Allexius Popelaw bekennen, daz vor vns in gehegtem dinge Nitsche Hezeler weyzete czwene schepphinbriue mit der schepphin czu Legnicz ingesegil vorsigilt, des eynen lowt was also, daz her hette eyne mark geldis jerlichs czinsis czuwedirkauffe vm czwelff mark grosschin uff Niclasen Schulthen howse vnd hofe in der Goltbergisschen gassen by Niclasen Ludwigis howse vnd hoffe czuneste gelegen, des andern lowt was also, daz her hette uff dem selbin howse dry firdunge geldis jerlichs czinses czuwedirkauffe vm newn mark grosschin; desselbin czinses der seben firdunge geldis trat her abe Jorgen Hezelern vnd synen geerbin domite czuthuen vnd czulasen vnd gab en den uff mit allim rechtin vnd in allir mase, alz her en hat gehabit noch der aldin briue lowte. Des czubekentnisse habin wir desin briff gegebin dorobir vorsigilt mit vnsern ingesegiln. Das ist geschen in dem dinge an der mittewochin noch der heiligen eilfftowsund Juncfrawentage. Noch gotis geburt towsund vnd virhundirt jar in dem sebenvndczwenczigisten jare.

O. d. St. L. No. 325. Mit beiden Siegeln.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866